KF Vllaznia bën të ditur se që nga dita e sotme Hasan Lika nuk do të jetë më trajner i këtij ekipi.
Me kërkesën e vetë trajnerit, kontrata dypalëshe është ndërprerë për aryse se Lika bashkë me familjen e tij pas pak ditësh do të udhëtojnë drejt Shteteve të Bashkuara të Amerikës për të jetuar atje tashmë.
Në këtë mënyrë, KF Vllaznia duke parë ecurinë e mirë të skuadrës ka vendosur që të mos e pengojë për të ardhmen e tij.
KF Vllaznia ka falenderuar Likën për kontributin e tij në krye të skuadrës gjatë kësaj periudhe, ndërsa shkruajnë: Duke marrë parasysh momentin e vështirë kur e mori drejtimin e saj, megjithatë falë punës së tij dhe të futbollistëve, ekipi tashmë është shumë pranë arritjes së objektivit, daljes në Superligë.
Brenda një periudhë shumë të shkurtër, KF Vllaznia do të bëjë publik edhe emrin e trajnerit të ri që do të angazhohet për drejtimin e skuadrës së parë deri në fund të sezonit.
Discussion about this post