Një ngjarje e rëndë tronditi mbarë opinionin botërorë disa ditë më parë e cila ndodhi në Zelandën e Re ku pas një sulmi terrorist ndaj dy xhamive në qytetin Christchurch 49 persona humbën jetën .
Terroristi që kreu sulmin makabër ishte Brenton Tarrant, 28-vjeç për të cilin besohet se është një anti-mysliman i devotshëm. Ai kishte një urrejtje të thellë ndaj fesë islame dhe njerëzve që e predikonin këtë fe.
Një nga të mbijetuarit e kësaj masakre është Mustafa Bozhdas, nga Turqia i cili nga shtrati i tij në spital ka thënë se atentatori e ka qëlluar në këmbë, por u shtir si i vdekur, duke i shpëtuar në këtë mënyrë edhe plumbave të tjerë.
Bozhdas ka thënë për “Daily mail” se pasi atentatori nuk gjendej pranë tij, është larguar duke u hedhur nga një dritare
“Unë mbijetova sepse bëra sikur kisha i vdekur. Gjithçka ndodhi papritur kur imami po fliste. Unë isha ulur në dysheme dhe pashë që terroristi po më afrohej. Më qëlloi në këmbë dhe u hoqa sikur kisha vdekur.”
