Ish-ministri dhe ish-deputeti socialist, Elmaz Sherifi ka komentuar situatën politike në vend dhe konkretisht pranimin e mandatit të deputetit nga kandidati Lefter Maliqi i cili kandidoi në zgjedhjet e shkuara parlamentare në siglën e Partisë Demokratike.
Sipas Sherifit, “Rama e ka thënë vetë se Maliqi ishte në listën e PD-së në Berat, u largua dhe po bën fushatë për PS-në”.
Sipas tij Maliqi është ulur edhe tek vendi i kryatarit të PD-së në parlament, “do udhëheq demokratët që ta heq edhe si kryetar”.
Më tej ai shton në një reagim në rrjetet sociale se “Kjo është opozita e re që do miratojë reformën zgjedhore dhe do të zyrtarizohet hapja e negociatave me BE. Nëse kjo do të ndodh Rama meriton çmimin NOBEL në politikë”.
Reagimi i plotë i Elmaz Sherifit:
“E tha vetë Rama” !
E çuditshme tha Rama në fushatën elektorale të 2017 në Berat. Lefteri ishte në listën e PD në Berat, u largua dhe po bën fushatë për PS. Maliqi tani është deputet dhe pretendon se është përfaqësues i elektoratit të PD. E përshëndeti edhe Ahmeti për guximin dhe angazhimin e tij, se i ulur te vendi i kryetarit të PD në parlament, do udhëheq demokratët që ta heq edhe si kryetar. Kjo është opozita e re që do miratojë reformën zgjedhore dhe do të zyrtarizohet hapja e negociatave me BE. Nëse kjo do të ndodh Rama meriton çmimin NOBEL në politikë. E përshëndes. Po a do ketë zgjedhje vendore?
(F.GJ/FAXWEB.AL)
Discussion about this post