”Studentët degjenerojnë Vasal Lleshajn”, ministri i përgjigjet Berishës: Sjellës i fatkeqësive, ata tre që më zunë rrugën…

Ministri i Brendshëm Sandër Lleshaj ka reaguar pas postimit të ish-kryeministrit Berisha dje në Facebook, se ai u prit me protesta gjatë vizitës së tij me studentët e Durrësit.

Përmes një statusi drejtuar ish-kryeministrit pak minuta më parë Lleshaj është shprehur se: “Haxhi Mileti, që ndryshe njihet dhe si Sjellësi i Fatkeqësisë, qenka mërzitur nga takimet e mija me studentët në Durrës.

Tre fatkeqe nga prodhimi i tij, në rrugë dhe jo studente, janë një dëshmi e mjerë se si mund të tjetërsohet një i ri kur bëhet ithtar i H. Miletit. Dje kisha një ditë shumë të bukur në Durrës”. 

Berisha shkruante se Lleshajn e kishin pritur me thirrje turp, turp, ndërsa thotë se studentët i kishin treguar vendin ministrit.