Pas sulmit me bojë që iu bë deputetit të ri të LSI-së, Ralf Gjonit dhe tensionimeve të herëpashershme të protestuesve me policinë ku nuk munguan dhe hedhja e shashkave dhe tentativat për të çarë kordonin policor ka reaguar ministri i Brendshëm, Sandër Lleshaj në llogarinë e tij në Twitter.
“Pengim i policisë për të luftuar krimin” e ka konkluduar ai të gjithë sjelljen e opozitës përgjatë këtyre javëve si dhe ka ftuar qytetarët të mbështesin Policinë e Shtetit.
Ministri i Brendshëm Sandër Lleshaj shkruan në Twitter:
Protestat e verbra që godasin deputetë, institucione dhe policë, sjellin vetëm një rezultat. Ato pengojnë shumë policë që të merren me detyrën e tyre kryesore, që është lufta kundër krimit.
Ftoj qytetarët që të mbështesin Policinë e Shtetit në luftën e përbashkët kundër krimit për një Shqipëri normale.
Mirënjohje për dinjitetin dhe përkushtimin e punonjësve të PSH
Protesta e sotme është në vazhdën e protestave që opozita ka deklaruar se do të organizojë deri në rrëzimin e qeverisë Rama, ngritjen e një qeverie teknike si dhe mbajtjen e zgjedhjeve të parakohshme.
Discussion about this post