Kryetari i Partisë Demokratike Lulzim Basha ka kujtuar 22 marsin 1992 nëpërmjet një statusi në rrjetin social facebook.
22 mars 1992 është dita kur u zhvilluan zgjedhjet e para parlamentare dhe PD që atë kohë ishte një parti opozitare fitoi zgjedhjet.
Basha thotë se përpara 27 vitesh shqiptarët u bashkuan për liri dhe demokraci,dhe se këto 27 vite për Shqipërinë kanë qenë të dhimbshme dhe plot sakrifica.
Ai bën thirje për një Shqipëri drejt anëtarësimit në Bashkimin Europian.
Statusi i plotë i Bashës:
Me 22 mars 1992 shqiptarët fituan lirinë. Si sot 27 vjet më parë njerëzit u bashkuan me të vetmen dëshirë dhe ëndërr: lirinë për të ndërtuar një jetë më të mirë, lirinë për të lëvizur, lirinë për arsim, lirinë për biznes, lirinë per tu shprehur, lirinë për të zgjedhur e për tu zgjedhur. Ky udhëtim 27 vjecar drejt lirisë dhe Europës demokratike me arritjet dhe dështimet e tij, ka qenë i dhimbshëm dhe plot sakrifica. Sot Shqipëria po na thërret përsëri sepse rruga jonë drejt lirisë dhe Europës është në udhëkryq! Është në dorën tonë ta përmbyllim atë duke ndërtuar edhe në Shqipëri sistemin e vlerave të vërteta europiane! #ShqipëriaSiEuropa
Discussion about this post