Kristian Panuçi nuk ka ndërmend të dorëzohet edhe pas një starti me humbje 0-2 në shtëpi ndaj Turqisë.
Pavarësisht se ndaj tij ka pasur një sërë kritikash, i pyetur nga mediat nëse do të japë dorëheqjen Panuçi është shprehur në mënyrë kategorike se jo.
“Nuk kam pse të jap dorëheqjen. As e çoj nëpër mend këtë”, është shprehur italiani. Gjithsesi, edhe pse Panuçi nuk kërkon të dorëzohet, nuk është çudi që të ketë një prishje të njëanshme të kontratës nga FSHF.
Pas golit të dytë që pësoi skuadra jonë kombëtare në drejtim të Panuçit u drejtuan kore fyese nga ana e tifozëve, të cilët kërkonin largimin e tij.
Pavarësisht se Shqipëria zhvilloi një ndeshje dhe një start të mirë, dy gabime trashanike në mbrojtje bënë që Turqia të largohej nga vendi ynë me tre pikë.
(E.K/FAXWEB.AL)
Discussion about this post