Kastro Zizo është një nga ata këngëtar i cili shpesh është përfolur për abuzimin me alkoolin. Por, mesa duket gjërat kanë ndryshuar dhe Kastro ka vendosur t’i rikthehet jetës së dikurshme kur nuk konsumonte alkool.
Ai ka treguar për “E diell” se si vendosi të merrte një vendim të tillë dhe të mos ishte më i varur nga pijet alkoolike. Tashmë prej 5 muajsh ka hequr dorë prej tij.
“U bënë 5 muaj që nuk abuzoj më me alkoolin. Ishte një moment që degradova! U zgjova një mëngjes dhe kuptova që më kishte humbur shumë respekti ndaj vetes sime. Po shkaktoja dhimbje tek njerëzit e mi më të afërt apo që doja më shumë dhe i thashë vetes se unë nuk jam kaq i vogël, nuk mund t’ia lejoj një lëngu të më mposhtë. Ndoshta ishte dhe bashkëshortja ime irreale përgjatë shumë viteve, që ka dhënë e ka marrë nga unë, por kur vjen momenti duhet të divorcohesh dhe unë kam një natyrë që nuk e kthej më kokën pas”-përfundon këngëtari.
Deklarata e Kastros vjen si mesazh ndërgjegjsues për të gjithë ata që mund të kenë të ila probleme, duke u dhënë kështu forcë dhe vetëbesim.
(s.a/faxweb.al)