“E kanë vrarë në mes të qytetit për të dhënë një mesazh”, gazetarja bën publike detajin tronditës

Përveç faktit se avokati Ravik Gurra ndihej i kërcënuar kohë më parë dhe një gjë të tillë ia kishte bërë me dije edhe policisë, gazetarja e kronikës së zezë Klodiana Lala ka dhënë edhe një detaj tjetër tepër të rëndësishëm në lidhje me ekzekutimin e avokatit.

Gazetarja ka treguar se në varrimin e avokatit morën pjesë persona të armatosur.

Sipas saj, vrasja e avokatit në mes të qytetit ka qenë për të dhenë një mesazh se rendi në qytetin e Elbasanit kontrollohet nga bandat dhe jo nga Policia, dhe se kjo e fundit, sikurse Lala shprehet, është e pafuqishme përbëllë këtyre bandave.

Ndër të tjera ajo shprehet: “Ata kanë vendosur ta vrasin në mes të qytetit, të japin një mesazh. Unë kam qenë në Elbasan, policia vëzhgonte gazetarët. Unë bashkë me kolegët e mi kemi takuar personazhe problematik, dhe policia nuk ishte lënë asnjë efektiv.

Policia është e kontrolluar nga krimi i organizuar në Elbasan. Persona të armatosur kam parë në varrimin e avokatit. Policia e Elbasanit është e pafuqishme”.