Kishe frikë për Vetingun e mamasë tënde? Rudina Hajdari i përgjigjet pyetjes së sikletshme

Deputetja Rudina Hajdari në një intervistë për gazetarin Adi Krasta ka deklaruar se askush nuk mund ta largojë nga PD, duke nënkuptuar se do kandidojë sërish. “Askush s’më nxjerr dot nga PD, vetëm nëse demokratët më thonë “nuk na përfaqëson më” dhe kjo do të shihet tek vota”, tha ajo.

Duke folur për momentin që vendosi të qendruar në Parlament Hajdari u shpreh: “Mu desh kohë ta merrja. Arsyetova me veten se ku do më çonte ky vendim, çfarë kosto do kishte për vendin. Nuk e mendova në asnjë moment se çfarë kostoje do kishte për mua. Më thanë që duhet të pozicionohesh mirë në PD nëse do një karrierë të gjatë politike dhe unë hezitova e thashë nuk është kjo arsyeja përse jam këtu”.

E pyetur nga Krasta nëse ky vendim ka ardhur për shkak të një frike për nënën e saj Fatmir Hajdari që mund të rrezikonte deryrën si gjyqtare në kuadër të vettingut, deputetja tha se nëna e saj është gjyqtare para se ajo të hynte në politikë dhe ka jetën e saj.

“Nuk më ka shkuar fare në mend sepse është komplet jashtë asaj që unë dua për të kontribuar në Shqipëri. Mamaja ime ka jetën e saj, vettingu, reforma në drejtësi ka marrë rrugën e saj. Nuk ndikoj dot në këtë proces. Mamaja ime ka qenë gjyqtare para se unë të hyja në politikë”, tha ajo më tej, duke pohuar se është edhe nënshtetase amerikane.

Për sa i përket reagimeve në PD, Rudina Hajdari tha se kanë qenë të shumta si pozitive ashtu edhe kritike.

Pyetje: Disa arsye bindëse pse e ke bërë?

Rudina Hajdari: Atëherë, e para se mendoj se kjo i vlen Shqipërisë. Se ky është një vendim ekstrem që mund ta çoj vendin në destabilitet. Prandaj jemi ne këtu të shfaqim një alternativë. Kjo është mënyra më e mirë të shprehim revoltën.

Pyetje: Jeni sot një kundërshtare e qeverisë?

Rudina Hajdari: Patjetër absolutisht, në gjithë qenien e saj.

Pyetje: Nuk është një parti e lehtë PD. Më duket në parim një vendim karrierë-vrasëse. Je gati për t’u nxjerrë nga kjo parti?

Rudina Hajdari: Askush s’më nxjerr dot nga PD, vetëm nëse demokratët më thonë “nuk na përfaqëson më” dhe kjo do të shihet tek vota. Unë do të bëj të pamundurën për Shqipërinë. Kjo është një gjë që e kam ëndërruar që e vogël sepse vendi ynë ka potenciale.

Pyetje: Të shqetëson fakti që tani të do më shumë PS-ja?

Rudina Hajdari: Shoqëria jonë është e përçarë ose PD ose PS dhe këtë e ka bërë politika shqiptare. Duhet të ndryshojë kjo kulturë.