Një mjek shqiptar ka humbur jetën në një aksident me makinë në qytetin Villanova në Itali.
Viktima ishte 66-vjeç dhe po udhëtonte me dy miqtë e tij në një automjet Mercedez Benz.
Ai ishte ulur në sediljen e mbrapme kur Benzi u përplas me ndarësen e autostradës dhe u rrokullis disa herë. Mjeku humbi jetën menjëherë nga dëmtimet e rënda që kishte pësuar. Ndërkohë që dy miqtë e tij ndodhen në spital jashtë rrezikut për jetën.
Identiteti i viktimës ende nuk është bërë i ditur nga mediat italiane si dhe akoma nuk janë zyrtarizuar shkaqet e aksidentit nga autoritetet përkatëse.
Discussion about this post