Ngjarja e ish-Bllokut, Apeli lë të lirë Ervin Matën

Gjykata Apelit Tiranë ka lënë në fuqi masën detyrim paraqitje për Ervin Matën, i përfshirë në ngjarjen e 5 tetorit në ish-Bllok.

Mata u vetëdorëzua rreth një muaj më parë, ndërsa u la i lirë nga Shkalla e Parë, masë e konfirmuar edhe sot nga Apeli.

Ervin Mata ishte i përfshirë në ngjarjen e ish Bllokut ku humbi jetën Fabiol Gaxha dhe mbeti i plagosur  Ervis Martinaj së bashku me Eljon Haton.

Vrasja që tronditi mbarë opinionin publik ndodhi mbrëmjen e 4 tetorit në lokalin Metropol në një nga zonat më të frekuentuara të Tiranës, përkatësisht në ish-Bllok.