Kreu i grupit parlamentar i Partisë Socialiste, Taulant Balla ka akuzur kryedemokratin Basha se ka paguar njerëz që të marrin pjesë në protestën e ditës së sotme, por edhe që të hedhin bojë kundër shtetit sipas tij.
Me anë të një reagimi në rrjetet sociale, Balla ngre pyetjen “ato para që nxorri nga çanta Albana Vokshi, a vijnë edhe këto nga Sheremetyevi???”.
Ndërkohë që ka publikuar edhe një video nga protesta, në të cilën shikohet ish-deputetja Albana Vokshi e rrethuar nga disa portestues.
Statusi i plotë i Taulant Ballës:
Lulezim! Paske paguar përsëri para sot? Jo vetëm për t’i sjellë në protestëzën tënde, jo vetëm për të sponsorizuar dhunën, por edhe për të hedhur bojën tënde të zezë kundër shtetit dhe imazhit të shqiptarëve.
Tregoju tani atyre rrugë-humburve që ende të vijnë nga mbrapa: ato para që nxorri nga çanta Albana Vokshi, a vijnë edhe këto nga Sheremetyevi???
(F.GJ/FAXWEB.AL)
