Detaje të reja janë zbardhur nga vrasja e shqiptarit në Spanjë. Mediat spanjolle kanë bërë publik emrin e shqiptarit, i cili u ekzekutua me një plumb pas koke. Bëhet fjalë për një person që njihej me emrin Deda, 46 vjeç, personi që shihni në fotografi, i cili jetonte në Mazarron.
Miqtë e tij kanë treguar se më parë ai punonte si roje sigurie në klube dhe bare me muzikë, ndërsa kohët e fundit punonte si truprojë. Veçanërisht muajt e fundit, ai kishte punuar në zonën Marbella në Malaga.
Autoritetet dyshojnë se 46-vjeçari është ekzekutuar për shkak të prishjeve të pazareve të drogës ose për shkak të ndonjë konflikti që mund të ketë pasur si pasojë e profesionit që ushtronte.
Trupi i pajetë i tij u gjet të mërkurën pasdite në Totana. Një banor i zonës lajmëroi autoritetet se kishte parë një makinë që nuk kishte lëvizur që prej të hënës së kaluar.
Kur agjentët shkuan gjetën kufomën e 46-vjeçarit, i cili kishte shenja dhune. Ata nuk përjashtojnë mundësinë që Deda të jetë dhunuar në një vend tjetër dhe trupi është sjellë aty për të zhdukur gjurmët.
Discussion about this post