Gjatë një samiti mes liderëve të Greqisë, Bullgarisë , Serbisë dhe Rumanisë, Alexi Tsipras ka përgëzuar Maqedonine e Veriut për marrveshjen me Greqinë por ka përmendur gjithashtu dhe shembullin e Shqipërisë.
“Marrëveshja që bëmë me Maqedoninë e Veriut duhet të inkurajojë vendet e BE-së që t’i japin një datë për procesin e anëtarësimit . Do të isha i lumtur nëse mund të them të njëjtën gjë për Shqipërinë, por kohët e kemi parë disa zhvillime që nuk na kënaqin’’, është shprehur kryeministri grek.
Ndërkohë që ka vijuar më tej duke përmendur një zhvillim negativ në minoritetin grek, këtu në Shqipëri.
“Sot kam mësuar se ka një zhvillim negativ në lidhje me minoritetin grek në Shqipëri dhe nëse informacionet do të jenë të vërteta do të ishte një zhvillim shumë negativ”.
Mediat greke kanë përmendur një “vjedhje të tokave” të minoritetit grek nga ana e Shqipërisë. Gjithashtu përmendet fakti se mund të ketë një veto lidhur me çeljen e negociatave me BE-në, njësoj si Maqedonia e Veriut.
Nga ana tjetër ka qënë Al Jazeera ajo e cila i ka kushtur vëmendje pak ditë më parë po këtij problemi.
Reportazhi i titulluar: “Qeveria shqiptare kërkon të nxisë turizmin duke shkelur të drejtën e pronës” është realizuar në Himarë dhe ka pasur në fokus minoritetitn grek në Shqipëri, të drejtat që u ofrohen këtu gjithashtu edhe çështjen e pronave.
(s.a/faxweb.al)
Discussion about this post