Kryetarja e LSI-së Monika Kryemadhi dhe ish- deputeti Vangjel Tavo për qarkun e Gjirokastërs kanë zhvilluar një takim organizativ me strukturat e LSI-së në Tepelenë. Ndërkohë që është zgjedhur kryetari i LSI, Tepelenë ekonomisti Sefer Kanushi.
Monika Kryemadhi ka deklaruar se zgjedhjet e parakohshme janë afër, dhe për këtë arsye duhet të ndizen motorët e fushatës. Kyemadhi është ndalur edhe te gjendja ekonomike aktuale ku është shprehur se shqipëria ndodhet në një gjendje varfërie ekstreme dhe duhet të punojmë për të ndalur eksodet e largimit të Shqiptarëve.
“Gjendja ekonomike e vendit është e mjerë. Taksat rriten ndërkohë që të ardhurat për familjen shqiptare ulen. Duhet të ndalojmë eksodin e shqiptarëve. Rinia duhet të gjenerojë energji në Shqipëri, jo të marrë rrugët e emigrimit
. Duhet të punojmë që shqiptarët ta bëjnë Shqipërinë shtepinë e tyre. Papunësia ka ardhur për shkak të paaftësisë dhe korrupsionit qeveritar. LSI është partia e fjalës së mbajtur, forcën reale e ka tek njerezit, jo tek emrat e përveçëm.”
Discussion about this post