Paditi ministritë dhe rektorin Gjata, gjykata ‘rrëzon’ kirurgun Arben Beqiri

Gjykata Administrative ka rrëzuar padinë e kirurgut Arben Beqirit ndaj rektorit Arben Gjata. Kirurgu Beqiri ka paditur Ministrinë e Arsimit, Ministrinë e Shëndetësisë, Komisionin e posaçëm për përzgjedhjen e shefave të rinj si dhe rektorin e Universitetit të Mjekësisë Arben Gjata për arsyen se këto institucione i kanë dhenë dy poste në të njëjtën kohë rektorit dhe sipas tij kjo bie ndesh me ligjin dhe ka konflikt interesi.

Mirëpo gjykata ka vendosur rrëzimin e pretendimeve te palës paditëse, pra të kirurgut Arben Beqiri, pasi sipas gjykatëses jo vetëm duhet të ketë shkelje por duhet të ketë pasoja flagrante. Asnjë nga palët në gjykim nuk kanë argumentuar pasojat juridike. Për sa i përket pavlefshmërise absolute palët duhet të ç’tensionohen nga ana e faktit dhe nuk duhet të përfshihen në këtë lloj padie arsyetime qe nuk i përkasin çështjes. Pra rrëzohet akuza e palës paditëse pala paditëse ka të drejtë ankimimi brenda 15 ditëve. Gjatë seancës së sotme kirurgu Arben Beqiri u përfaqësua nga avokatja Emona Çoja.

Në seancë nuk ishte i pranishëm rektori Arben Gjata, i cili u përfaqësua nga avokati i tij.

Kirurgu Beqiri ka denoncuar keto institucione dhe rektorin Gjata se ka shkelur ligjin duke pasur konflikt interesi në mbajtjen e dy posteve si rektor dhe shef i kirurigjisë digjestive ne QSUT.

Pala paditëse është shprehur gjatë seancës: “Nuk ështe vendim adminiatrativ, është vendim përfundimtar”

Avokatja Çoja u shpreh: “Nuk është bërë asnjë hetim lidhur me çështjen, nuk janë sqaruar hapat si është marrë ky akt vendim. Shkelja e ligjit ka nxjerrë në pah subjektivizmin e përzgjedhjes së kandidatëve. Do ta apelojmë”

Njëra prej anëtarëve të komisionit të emërimit të Gjatës si shef i kirurgjisë në QSUT,  Etleva Basha, ka shprehur se ka konflikt interesi dhe nuk ka marrë pjesë në vlerësim, ndërsa vendimi ështe marrë nga katër anëtare të komosionit që për palën paditëse përbën shkelje të ligjit.

Pala e paditur shprehet se komisioni tanimë nuk ekziston, por pala paditëse ngulmon se nuk ka asnjë parashikim ligjor apo depozitë ligjore që vërtetojnë këtë. Pala e paditur kundërshtoi akuzat dhe argumentet e avokates së paditësit, kirurgut Arben Beqiri.