Shtyhet për herë të tretë pretenca për Klement Balilin në Gjykatën për Krime të Rënda.
Shkak për këtë është bërë mungesa e avokatëve. Gjykata ka gjobitur me 10 mijë lekë të reja avokatin Theodhori Sollaku.
Avokati i caktuar nga Gjykata për Krime të Rënda, Remzi Ponari, ka paraqitur raport për mungesën me arsye shëndetësore.
Balili akuzohet për “Trafikim të lëndëve narkotike në bashkëpunim, “pjesëmarrje në grupin e strukturuar kriminal”, “Refuzim për deklarim, mosdeklarim, fshehje ose deklarim i rremë i pasurive”, si dhe për “Pastrim parash”.
Balili u vetëdorëzua në mëngjesin e 15 Janarit në Policinë e Tiranës, pas 2 vitesh arrati, në momentin kur dosja hetimore ndaj tij ishte dërguar në Gjykatë.
Më shumë se dy vite kanë zgjatur hetimet për Balilin, pjesa më e madhe e të cilave është e bazuar në përgjigjet e marra nga letërporositë e ardhura nga Greqia.
(E.K/ Faxweb.al)
