Përfundon takimi me drejtuesit e policisë në Shkodër, Lleshaj: Vëmendje sigurisë së qytetarëve

Sapo ka përfunduar takimi midis ministrit të Brendshëm Sandër Lleshaj, Drejtorit të Përgjithshëm të Policisë së Shtetit, Ardi Veliu dhe drejtuesve të policisë së Shkodrës në qytetin verior.

Pas daljes nga ky takim Lleshaj ka deklaruar shkurtimisht se gjenden në Shkodër për të mbajtur angazhimin dhe për ti dhënë vëmendjen maksimale qytetit dhe sigurisë së qytetarëve.

“Jemi këtu për të mbajtur angazhimin tonë për ti dhënë vëmendjen maksimale Shkodrës dhe sigurisë së qytetarëve të saj”, deklaroi Lleshaj pas takimit i cili ka zgjatur rreth 1 orë e 15 minuta.

Ndërkohë pavarësisht insistimit të gazetarëve për të ditur më shumë rreth temave që u diskutuan në këtë takim, si dhe kërcënimit që ka marrë trajneri i klubit të Vllaznisë, Agim Canaj (lexo këtu).

Në takimin me dyer të mbyllura me drejtuesit e policisë së Shkodrës, temë e diskutimeve mendohet të kenë qenë ngjarjet e fundit kriminale që kanë ndodhur në këtë qark, ku vlen të përmendet ajo e Nard Polisë (lexo këtu), pronarit të një bujtine në Theth dhe vëllezërve Bilali (lexo këtu).

Pas kësaj ngjarje, në Shkodër pati edhe disa ndryshime në radhët e drejtuesve të policisë.  Menjëherë pas vrasjes së vëllezërve Bilali, ministri njoftoi shkarkimin e drejtorit të policisë Vehbi Bushatin ku në vend të tij u emërua Niko Brahimaj.

Ndërsa disa ditë më vonë u shkarkua nga detyra edhe shefi i komisariatit Vasil Çela, në vend të të cilit u emërua Lorenc Meta.

Ndërkohë kjo është vizita e 3 që ministri Lleshaj zhvillon në një afat të shkurtër kohor në këtë qytet.

(F.GJ/FAXWEB.AL)