Dalin detaje të reja/ Breshëri plumbash drejt servisit në Fier, autorët djegin mjetin

Disa persona ende të paidentifikuar kanë qëlluar me armë zjarri drejtë një servisi, ndërkohë që ishin duke udhëtuar me makinën e tyre tip ‘BMW’. Ngjarja ka ndodhur në lagjen ‘1Maj’ në afërsi të vendit i cili njihet si “Kryqëzimi i Parkut”.

Pas ngjarjes mjetit i është vënë zjarri në rrugën Fier-Seman në vendin e quajtur “Kryqëzimi i shinave të trenit”.

Ndërkohë që në vendngjarje veç zjarrfikëses e cila ndodhet aty për shuarjen e flakëve është edhe grupi hetimor i cili po punon për zbardhjen e plotë të ngjarjes.

Informacioni i policisë:

Në datën 03.04.2019, në lagjen “1 Maji” Fier, në afërsi të vendit të quajtur “Kryqëzimi i Parkut”, persona ende të paidentifikuar duke udhëtuar me një mjet tip “BMV” kanë qëlluar me armë zjarri drejt një subjekti tregëtar (pjesë këmbimi të makinave).

Më pas, mjetit tip “BMV” i është vënë zjarri në rrugën Fier- Seman, në vendin e quajtur “Kryqëzimi i shinave të trenit”.

Në vendnngjarje kanë shkuar shërbimet e policisë dhe shërbimi zjarrfikës për shuarjen e zjarrit.

Eshtë ngritur grupi hetimor dhe po punon për zbardhjen e plotë të kësaj ngjarje, identifikimin dhe kapjen e autorëve.

(s.a/faxweb.al)