Protesta e fermerëve në Lushnje ka sjellë reagime të shumta pasi ajo prej ditësh ka tërhequr vëmendjen për mënyrën se si ata kanë vendosur të protestojnë duke derdhur qumështin nëpër rrugë.
Arsyeja e kësaj proteste është se fermerët kërkojnë subvencionim nga shteti dhe ulje të taksave, ku në shenjë revolte prej ditësh kompanitë kanë bojkotuar nxjerrjen në treg të produkteve të tyre.
Lidhur me këtë situatë ka reaguar edhe Dritan Kaba i cili shkruan se edhe lopët duan të ikin nga vendi ndërkohë që numri i deleve sipas tij është përgjysmuar dhe sipërfaqet e mbjella janë shtuar.
Kaba argumenton se ka filluar marrja e masave për të mbjellë serat me bimë narkotike ndërkohë që sipas tij eksporti I drogës nuk do të ndalet.
“Në këtë vend bën hajer vetëm po të merresh me drogë, jo të punosh ndershëm”, shkruan Dritan Kaba në rrjetet sociale përkrah një video-je nga protesta e fermerëve në Lushnje.
Postimi i plotë:
Edhe lopet duan te ikin! Numri i deleve eshte pergjysmuar. Siperfaqet e pambjella jane shtuar.
Ndersa ka filluar marrja e serave me qera, por jo per zarzavate, por per te mbjelle ate bimen qe ka per zemer Rilindja. Ne fillim te qershorit mbaron korrja. Ne fund te qershorit fillon fushata nga ajri qe do nxjerre qe 99.99% e siperfaqes eshte asgjesuar, ndersa eksporti i droges nuk do te ndalet.
Ne kete vend ben hajer vetem po te merresh me droge, jo te punosh ndershem..
Nga protesta sot ne Lushnje nga fermeret dhe blegtoret qe jane lene ne meshire te fatit nga kjo qeveri, qe kujdeset vetem per oligarket!
(F.GJ/FAXWEB.AL)
Discussion about this post