Drejtori për Europën dhe Azinë i “Zërit të Amerikës”, Elez Biberaj, i është përgjigjur deklaratës së kryeministrit Edi Rama të bërë disa kohë më parë, duke e etiketuar edhe Ërin e Amerikës si kazan.
Biberaj shprehet se Rama po qeveris i pasfiduar edhe pse qeverisja është e dobët dhe korrupsioni është përhapur thellë.
Ai e konsideron kryeministrin e Shqipërisë, një njëri autoritar, të korruptuar dhe jo transparent, duke shtuar ndër të tjera se Rama ka minuar institucionet e pavarura dhe gjyqësorin e ka mbushur me njerëz besnikë, duke përdorur reformën në drejtësi.
Biberaj i bëri këto deklarata gjatë një fjalimi që ka mbajtur në ceremoninë e 110 vjetorit të gazetës ‘Dielli’, ku ka komentuar edhe situatën e shtypit në Shqipëri, duke thënë se me ardhjen e Ramës në pushtet është bërë më pak i lirë dhe më pak i pavarur.
Një pjesë e deklaratës së Biberajt:
Pas fitores me një shumicë dërmuese në zgjedhjet e vitit 2017, Kryeministri Edi Rama qeveris i pasfiduar. Por sundimi i tij është dëmtuar nga qeverisja e dobët, korrupsioni i përhapur thellë, keqadministrimi ekonomik, dhe stili i tij i udhëheqjes ka krijuar shumë kundërshtarë.
Siç ka ndodhur edhe me disa udhëheqes të tjerë europiano-lindorë, Rama është bërë dukshëm më autoritar, më i korruptuar, më arrogant dhe më pak transparent.
Ai është përpjekur ta forcojë pushtetin e tij në maksimum, duke ngushtuar hapësirën publike, duke minuar institucionet e pavarura, duke e mbushur gjyqësorin me besnikë, nën maskën e reformave dhe duke margjinalizuar opozitën.
Rama ka krijuar një model qeverisjeje që bazohet tek kleptokracia, duke dhënë pa tendera, kontrata me vlerë qindra milionë dollarëshe për kompanitë pranë qeverisë.
Marrëdhëniet klienteliste mes zyrtarëve qeveritarë dhe biznesmenëve të njohur kanë deformuar procesin vendimmarrës të qeverisë, duke shkelur rregullat bazë të lojës, duke prishur konkurrencën në treg dhe duke u hequr qytetarëve të zakonshëm çdo mjet përmes së cilit ata do të mund të ndikonin në sjelljen e ndryshimeve.”
(F.GJ/FXWEB.AL)
Discussion about this post