Prej më shumë se 3 orësh në qytetin e Vlorës, konkretisht pranë godinës së Gjykatës është konstatuar një sasi e dyshuar si lëndë plasëse me telekomandë, gjë e cila ka alarmuar qytetarët.
Bëhet me dije se forcat xheniere të mbërritura nga Tirana kanë bërë të mundur çaktivizimin e pakos me eksploziv.
Kjo ka ndodhur pasi ata kanë studiuar terrenin dhe që më pas kanë bërë të mundur shpërthimin e komanduar të pakos.
Fillimisht u dyshua se objektiv ishte një zyrë avokatie dhe noteri, por më pas hetimet u shtrinë dhe tek pronari i godinës ku u gjet lënda shpërthyese.
Policia ka shoqëruar disa persona, mes tyre dhe pronarin e ndërtesës ku operojnë bizneset A.Bajramaj.
Pakoja e zezë e vendosur në sheshpushimin e bizneseve dyshohet të jetë e lidhur me telekomandë, për shpërthim në distancë por ende nuk ka një sqarim përfundimtar nga autoritetet.
Ndërkohë që prej rreth 4 orësh e gjithë zona ka qenë e rrethuar nga policia e cila kishte vendosur perimetër sigurie, duke ndaluar dhe qarkullimin e mjeteve rreth saj.
(F.GJ/FAXWEB.AL)
Discussion about this post