Prisnin sot të anullohej projekti i Bashkisë së Këlcyrës për ndërtimin e një lulishteje projekti i të cilës parashikonte të shembeshin banesat e rreth 30 familjeve por një gjë e tillë nuk ndodhi.
Të pyetur nga Fax News, banorët ishin të paqartë se përse këshilltarët që kanë firmosur se janë pro banorëve sot nuk ishin në mbledhjen e Këshillit për të anulluar projektin.
Cështja e këtij projekti ka përfunduar në Prokurorinë e Krimeve të Rënda në Tiranë pas kallëzimit të banorëve në Prokurorinë e Përmetit për “shpërdorim detyre” të kryetarit Klement Ndoni i cili, po sipas tyre, nuk ka respektuar elementet bazë të nisjes së një projekti siç është dëgjesa publike.
Ndërkohë ka kaluar rreth një muaj që prej protestës së parë të banorëve të Këlcyrës kundër projektit të Bashkisë së këtij qyteti, dhe ende nuk po arrihet në një zgjidhje. Banorët shprehen të vendosur për mbrojtjen e shtëpive të tyre të cilat sipas thonë se po prishen për të vënë në jetë një lulishte që nuk i shërben askujt.
(F.GJ/FAXWEB.AL)
Discussion about this post