Një ditë pas lajmit se Vetëvendosje ishte regjistruar si subjekt zgjedhor edhe në Shqipëri, në mediat kosovare është shpërndarë me shpejtësi lajmi se në krye të degës në vendin tonë do të qëndrojë Ditmir Bushati, ish-ministri i jashtëm në qeverinë Rama.
Ish-kryediplomati Ditmir Bushati, sipas burimeve të afërta më Vetëvendosjen, pritet të largohet nga Partia Socialiste e Edi Ramës, t’i bashkohet Vetëvendosjes dhe ta udhëheq atë në Shqipëri, njofton Ballkani Info.
Ndër të parët që e lajmëroi krijimin e Vetëvendosjes në Shqipëri ishte analisti Baton Haxhiu, i cili ka qenë dhe një nga promovuesit më të mëdhenj të ministrit të jashtëm në detyrë detyrë Gent Cakaj.
Në fakt Bushati ka qenë në qendër të vëmendjes mediatike ditët e fundit, për shkak të fjalimit të tij të fortë mbajtur në Kuvend, ku u shpreh se kishte ardhur koha që përpara interesave partiakie, të vendosej interest kombëtare. (lexo edhe ketu)
Tashmë mbetet të presim dhe të shohim aksionin e radhës së tij, nëse me të vërtetë do të vendoset në krye të Vetëvendosjes, pasi ai njihet dhe për miqësinë e tij me Albin Kurtin, liderin historic të kësaj lëvizjeje.
Krijimi i Vetëvendosjes në Shqipëri:
Edhe filozofi i këtij subjekti politik, Elvis Hoxha, ka bërë me dije se që nga data 11 mars 2019 kanë dorëzuar pranë Gjykatës së Rrethit Gjyqësor në Tiranë dokumentacionin dhe kërkesën për regjistrimin e Qendrës “Lëvizja VETËVENDOSJE! në Shqipëri”.
Ai ka treguar se anëtarët e Bordit të kësaj organizate, të gjithë nënshtetas të Republikës së Shqipërisë, janë Enis Sulstarova (Kryetar i Bordit i votuar unanimisht), Liburn Aliu, Hysamedin Feraj, Elvis Hoxha, Dejona Mihali, Sami Kurteshi, Arbër Zaimi dhe Gearda Demiraj.
Ndërsa, themeluesit, të gjithë nënshtetas të Republikës së Shqipërisë janë Glauk Konjufca, Gearda Demiraj, Dejona Mihali, Enis Sulstarova, Hysamedin Feraj, Elvis Hoxha dhe Boiken Abazi.
(E.K/FAXWEB.AL)
