Pas takimit të djeshëm me kryeministrin Edi Rama dhe pas komunikimit me gazetarët, zyrtari i lartë amerikan Matthew Palmer ka zhvilluar një takim me kryetarin e Partisë Demokratike, Lulzim Basha.
Mësohet se ky takim sapo ka përfunduar por ende nuk ka ndonjë deklaratë zyrtare se për çfarë është diskutuar.
Ndërkohë që kujtojmë se në komunikimin me gazetarët, Palmer ka folur për situatën politike në vend, për lobimin rus, por gjithashtu është shpregjur se nuk ka ardhur në vendin tonë si negociator për të dialoguar në zgjidhjen e krizës politike.
Palmer ka folur edhe për zgjedhjet e ardhshme lokale që janë caktuar të mbahen me datë 30 qershor të këtij viti ku ka theksuar se do të ishte fatkeqësi në rast se opozita nuk do të merrte pjesë në në to.
Zëvendës ndihmës sekretari amerikan i shtetit ka përmendur edhe marrëveshjen midis Kosovës dhe Serbisë si dhe ka komentuar lidhur me emrin e ambasdadorit të ri amerikan që pritet të akreditohet në Shqipëri (lexo këtu).
Pas daljes nga selia blu, Palmer është nisur për tek selia e Lëvizjes Socialiste për Integrim për tu takuar me kryetaren e kësaj partie Monika Kryemadhi e pas saj ai do të takohet edhe me Presidentin Ilir Meta.
(F.GJ/FAXWEB.AL)
Discussion about this post