Përmbytja e biblotekës së Vlorës, Hoxha: Kjo është situatë e përsëritur për të disatën herë

Shirat e rrëmbyeshëm në Vlorë kohët e fundit, kanë mundur të përmbysin jo vetëm rrugët, për shkak të sistemit  të amortizuar të kullimit, por mbrëmjen e sotme është përmbytur edhe bibloteka publike e këtij qyteti.

Në një intervistë për Fax News, Drejtori i Biblotekës Publike, Çlirim Hoxha është shprehur se përmbytja e institucionit nuk është hera e parë që ndodh dhe se është pikërisht pozicioni i vetë institucionit arsyeja pse ajo përmbytet. Megjithatë ai thotë se përmbytja nuk ka shkaktuar dëme në materiale në libra apo dokumente.

Ai shprehet se: “Përmbytja e bilotekës ka ndodhur dy herë dhe të dyja herët ka pasur shumë dëmtime. Ka patur përmbytje në  në 1maj të 2008 dhe në 10 tetor të 2015.

Shqetësimi i përmbytjes është ngritur disa herë, mirëpo është një hidrovol  i ngritur në Transballkanike dhe mendoj se ujrat tërhiqen nga ajo.

Pastaj është edhe pozicioni i biblotekës  i tillë që përmbytet, kjo ka që me ndërtimin e rrugës Transballkanike.”