Kur na ndajnë më pak se tre orë nga nisja e protestës së opozitës, ish-kryeministri Sali Berisha paralajmëron se pjesëmarrja do të jetë masive.
Berisha flet për një shifër që varion nga 170 mijë protestues derinë 200 mijë, dhe kjo sipas tij ka trembur policinë e kriminalizuar.
‘’Narkopolicia informon per nje cunam pre 170-200 mije protestues!!
Tronditet gjer ne palce Kakistokracia.
Narkopolicia informon narkoqerine se parashikon nje pjesemarrje te jashtezakonshme ne cunamin e sotem, nga 170 gjer ne 200 mije vete! Fitore! Sb”, shkruan Berisha në rrjetet sociale.
Kjo është protesta e 3-të masive që zhvillon opozita e bashkuar pas asaj të 16 Shkurtit dhe të 16 Marsit, pas vendimit për të djegur mandatet e deputetëve dhe për të dalë në rrugë. Edhe në protestat e tjera kombëtare, pjesëmarrja ka qenë e konsiderueshme, ndërsa për herë të parë qytetarët grumbullohen në orët e pasdites.
Opozita kërkon një qeveri tranzitore, që të mund të çojë vendin në zgjedhje të parakohshme, pa Edi Ramën kryeministër. Vendi prej javësh ndodhet në një kolaps instyitucional, pasi ende nuk është bërë e mundur që të plotësohet numri prej 140 deputetësh që parashikon Kushtetuta e vendit. E megjithatë derimë tani nuk ka asnjë hap pas nga mazhoranca socialiste, ndërsa Rama është shprehur se do të mbajë mandatin deri në vitin 2021.
(E.K/FAXWEB.AL)
Discussion about this post