Pas hedhjes së përsëritur të gazit para Kuvendit, ndërsa opozita po proteston në të ashtuquajturën “protesta e 3 e madhe”, Berisha i cili vijon të qëndrojë bashkë me të tjerët ka paralajmëruar Kryeministrin Rama duke u shprehur se kjo protestë është fundi i tij.
“Kjo protestë do të përmbysë Ramën dhe forcë që ta shpëtojë atë nga ky vrull popullor nuk ka dhe nuk do të ketë. Le të shkojë në Azi dhe Afrikë, por në këtë vend i ditët e numëruara. Unë sot jam një protestues dhe protesta ka një vrull dhe vendosmëri të jashtëzakonshme. Tirana kryeqytet botëror i protestës. Fatin që kanë diktatorët do të ketë edhe Rama. Edhe në vrimë të miut të shkojë nuk do të shpëtojë nga ky cunam”, tha Berisha.
Më herët Berisha, por dhe Basha me Kryemadhin patën probleme pas hedhjes së gazit lotsjellës nga policia (lexo ketu).
Kjo është protesta e 3-të masive që zhvillon opozita e bashkuar pas asaj të 16 Shkurtit dhe të 16 Marsit, pas vendimit për të djegur mandatet e deputetëve dhe për të dalë në rrugë. Edhe në protestat e tjera kombëtare, pjesëmarrja ka qenë e konsiderueshme, ndërsa për herë të parë qytetarët grumbullohen në orët e pasdites.
Opozita kërkon një qeveri tranzitore, që të mund të çojë vendin në zgjedhje të parakohshme, pa Edi Ramën kryeministër. Vendi prej javësh ndodhet në një kolaps instyitucional, pasi ende nuk është bërë e mundur që të plotësohet numri prej 140 deputetësh që parashikon Kushtetuta e vendit.
Discussion about this post