Pas vendimi të Parlamentit Holandez I cili votoi me shumëcë votash kërkesën për rikthimin e vizave ndaj Shqipërisë, ka reaguar edhe Ambasada e këtij shteti europian në Tiranë.
Ajo njofton se qeveria Hollandeze po shqyrton hapat që do të ndërmarrë më tej ky vend lidhur me këtë çështje, por bën të ditur ndërkohë se tani për tani shqiptarët nuk do të kenë asnjë pengesë pasi sipas Ambasadës, politika e vizave për shtetasit shqiptarë do të mbetet e njëjtë.
Njoftimi i plotë:
Në përgjigje të lajmeve në media në lidhje me politikën e vizave për udhëtimin për në Hollandë:
Qeverisë Hollandeze i është kërkuar nga parlamenti i saj të kërkojë pezullimin e mekanizmit të rregjimit pa viza. Për momentin, qeveria është duke shqyrtuar hapat të cilat duhet të ndërmarrë.
Për momentin, politika e vizave për udhëtimin drejt Hollandës nuk ka ndryshuar. Nënshtetasit shqiptarë, mbajtës të një pashaporte biometrike, mund të udhëtojnë në zonën Shengen pa viza për maksimumi 90 ditë brenda një periudhe 180 ditësh.
(F.GJ.FAXWEB.AL)
Discussion about this post