Opozita e bashkuar ka vendosur zhvillimin e një tjetër protest të madhe e cila pritet të mbahet në Bulevardin “Dëshmorët e Kombit” para godinës së kryeministrisë.
Sipas informacioneve përflitet se kjo protestë do të mbahet me datë 11 maj dhe do të jetë 4 në rang kombëtar ndërkohë që janë zhvilluar edhe 7 protesta të tjera përpara Parlamentit me pjesmarrje më të ulët.
Këto protesta janë zhvilluar në harkun kohor të dy muajve dhe qëllimi i tyre është rrëzimi nga pushteti i Edi Ramës, për t’i hapur rrugë krijimit të një qeverie tranzitore që më pas të nisin përgatitjet për zgjedhjet e parakohshme.
Kusht të vetëm dhe të panegociueshëm opozita ka shpallur largimin e Ramës nga drejtimi i qeverisë me argumentin se me atë kryeministër, nuk mund të ketë zgjedhje të lira dhe të ndershme.
Ndërkohë sot kryetari i PD-së, Lulzim Basha rikonfirmoi qëndrimin e opozitës së bashkuar për vijimin e protestave deri në plotësimin e kërkesës së tyre.
Gjatë deklaratës para mediave pas përfundimit të mbledhjes së Këshillit Kombëtar të Partisë Demokratike që u zhvillua në selinë blu., Basha tha se opozita pret të nis dialogun me socialistët vetëm pas largimit të Ramës nga posti i kryeministrit (lexo këtu).
(F.GJ/FAXWEB.AL)
Discussion about this post