Pas vendimit të Parlamentit holandez për rivendosjen e sistemit të vizave me Shqipërinë, i ftuar në “Open” me Eni Vasilin gazetari Berat Buzhala, deklaroi se tregun e narkomafia-s e mban me nder Shqipëria dhe jo Kosova.
Duke replikuar me gazetarin Carlo Bollino, Buzhala u shpreh se vendimi për rikthimin e vizave është një vendim i rëndë, i cili nuk ka thjesht lidhje me partitë radikale, por është vendim i të gjitha partive politike.
Buzhala, po ashtu tha se Shqipëria ka një degradim jo vetëm me rendin e ligjit, por edhe në lirinë e shprehjes.
“Kane mbetur vetem disa gazetare dhe analiste ne Shqiperi qe nuk e shohin krimin ne Shqiperi. Holanda eshte nder 5 vendet themeluese te BE, qe do te thote se nuk eshte shtet pa peshe ne BE. Nese ky shtet vendos qe t’i hiqen Shqiperise vizat, atehere kush mundet prej Shqiperise te lype ne BE dhe ne Holande voten pro anetaresimit. Nuk eshte vetem kriminaliteti dhe droga, por Shqiperia eshte ne vendin e fundit ne rajon dhe per lirine e medias. Pra ka shume faktor pse sot Holanda propozon rikthimin e vizave per shqiptaret. Me keto raporte per median e ka goditur edhe Rama, Berishen”, – u shpreh Buzhala.
Discussion about this post