Henri Çili ka komentuar vendimin e Parlamentit Holandez për rikthimin e vizve për Shqipërinë duke argumentuar se përgjithësisht ky shtet konsiderohet si pararoja e politikës së jashtme gjermane.
Çili shtoi se Gjermania mund të ketë shqetësime të ngjashme dhe argumentoi se votimi i parlamentarëve të Hollandës, është një mesazh i qartë politik.
“Dua ta shoh pak diplomatikisht. Hollanda konsiderohet si pararoja e politikës së jashtme Gjermane. Nuk është indeksi i kriminalitetit shqiptar më kryesori në asnjë vend të Europës. Grupet parlamentare të përfshira janë shumë, pra e shoh si një mesazh politik”, tha Çili në emisioni “Të Paekspozuarit”.
Ai theksoi më tej se nuk mendonte se do të shkohet deri aty sa vendi të rrezikojë rikthimin e regjimit të vizave, por shtoi se Kryeministri Rama nuk i ka marrëdhëniet me Gjermaninë si më parë.
“Nuk mendoj se do të shkojmë deri tek anullimi i vizave, por është një mesazh politik. Të gjithë e dimë se ky kryeministër, nuk ka më të njëjtën pranverë mardhëniesh me Gjermaninë. Për mua është një mesazh, i pozitës së re ku ndodhet kjo qeveri”.
(F.GJ/FAXWEB.AL)
Discussion about this post