Në kuadër të zgjedhjeve elektorale të 30 qershorit, ish-deputet i PS, Gjetan Gjetani ka bërë disa deklarata të forta në raport me deputetin Pjerin Ndreu, të cilin “të majtët” e kanë aprovuar si kandidat për kryetar Bashkie për Lezhën.
Ai shprehet se qytetarët para se të votojnë, duhet t’i bëjnë pyetje vetes se çfarë e lidh Pjerin Ndreun me Lezhën.
I pyetur nga Dosja.al në lidhje me kandidimin e Pjerin Ndreut në Bashkinë e Lezhës nëse do të përdorte influencat e tij si mik që ta ndihmonte, Gjetani në përgjigjen e tij e cilëson Ndreun si të pa besë, duke shtuar se qytetarët duhet t’i bëjnë vetes pyetjen se çfarë e lidh Pjerin Ndreun me Lezhën para se të votojnë.
Biseda
Pjerin Ndreu, miku dhe kolegu juaj do të kandidojë në Bashkinë e Lezhës. A keni ju influencë në atë bashki? A do ta ndihmoni Pjerin Ndreun?
Edhe pse më duket pyetje provokuese do përgjigjem. Është e vërtetë që e kam koleg, por nuk është e vërtetë që është miku im. Unë nuk kam miq ata që janë të pabesë. Qytetarët e Lezhës, duhet t’i bëjnë një pyetje vetes përpara se të shkojnë të votojnë, çfarë e lidh Pjerin Ndreun me Lezhën!
(B.L/FaxWeb)
