Banorët e Dibrës kanë denoncuar në polici shoferin e një furgoni pasi ky I fundit ngjeshte 20 persona në furgon ndërkohë që kapacitetin për pasagjerë e kishte për 12 persona.
Pas marrjes së këtij denoncimi, policia ka vepruar duke i pezulluar patentën për gjashtë muaj dhe duke egjobitur me 10 mijë lekë.
Njoftimi i policisë
Jo vetëm nga qytetet dhe zonat urbane, njoftimet dhe telefonatat, por edhe nga zonat më të thella banorët kanë filluar të denoncojnë drejtues mjeti të “papërgjegjshëm” për përgjegjësinë që kanë ndaj komunitetit dhe udhëtarëve që qarkullojnë në këto zona me mjete të transportit publik.
Të transportosh mbi 20 persona në një automjet të destinuar për 12 persona për më tepër në rrugë të vështira malore të paasfaltuara është shkelje e rëndë e normave të sjelljes.
Banorët kanë njoftuar Policinë Rrugore të Dibrës, e cila menjëherë ka reaguar duke identifikuar dhe ndëshkuar drejtuesin e mjetit. OASH e ka ndëshkuar me gjobë 10 mijë lekë edhe pezullim leje drejtimi për 6 muaj.
Siguria e nxënësve, siguria e udhëtarëve është prioritet për Policinë Rrugore. Bashkë mund të rrisim më shumë parametrat e sigurisë rrugore jo vetëm në rrugët me asfalt , por kudo në zonat malore apo rurale: “Sheh diçka , thuaj diçka”
