Rexhina Debrova është 25-vjeçarja e cila ka ndërruar jetë pas lindjes në maternitetin e Elbasanit, ndërsa familjarët hedhin akuza në drejtim të mjekëve, që sipas tyre janë treguar të pakujdesshëm.
Lidhur me këtë ngjarje burime për Faxweb.al bëjnë me dije se janë arrestuar dhe po merren në pyetje dy mjekë të Spitalit të Elbasanit.
Mësohet se njëri prej tyre është Nikollaq Thano, reanimator dhe tjetri është Mehmet Ibaj, kardiolog të cilin kanë akuzuar më së shumti familjarët e 25-vjeçares.
Bëhet e ditur se Thano dhe Ibaj janë po merren në pyetje pasi ata kanë asistuar në lindjen e 25-vjeçares.
Gjithashtu për ngjarjen janë thirrur të dëshmojnë edhe dy infermiere që asistuan në lindje si dhe gjinekologu Ardjan Kadaifçiu. Këto shoqërima janë realizuar pas daljes së autopsisë mjeko-ligjore.
Qendra spitalore e Elbasanit ka reaguar pas ngjarjes tragjike të ndodhur gjatë ditës së sotme ku Rexhina Debrova ka ndërruar jetë një orë pas lindjes në maternitet.
Përmes një deklarate për mediat, spitali shprehet se 25-vjeçarja “u paraqit në spital më datë 22.04.2019 në orën 10:25 paradite. Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50” (lexo këtu deklaratën e plotë).
Ndërkohë familjarët e saj të irrituar me stafin mjekësor janë shprehur se gjithë kjo ishte për shkak të neglizhencës së mjekëve (lexo këtu).
(F.GJ/FAXWEB.AL)
Discussion about this post