Zbardhen detajet, kush është i arrestuar i 5-të i ‘Rinasit’ (EMRI+FOTO)

Është zbardhur emri i të arrestuarit të 5-të i cili pretendohet të jetë një nga autorët e grabitjes së Rinasit.

Sipas informacioneve ai është Elton Pikli, 32-vjeç i cili punon si kasap në qytetin e Krujës.

I arrestuari dyshoht të jetë bashkëpuntor i grabitjes së aeroportit “Nënë Tereza”  në Rinas.

Ndërkohë që sipas informacioneve Pikli ka qënë i shpallur në kërkim më herët për një çështje falsifikimi dokumentash. Ai është arrestuar nga Policia e Shtetit në Qafë-Thanë, duke tentuar të largohej drejtë Bullgarisë.

Informacioni paraprak

Në vijim të veprimeve  të kryera nga një grup i posaçëm hetimor për zbardhjen e ngjarjen së datës 09.04.2019 në aeroportin e Rinasit,   ju informojmë se mbrëmë në mesnatë është kapur dhe ndalur shtetasi E.P  banues në Krujë, i dyshuar si  një prej autorëve të kësaj ngjarje.

Materialet  proceduriale  i kaluan Prokurorisë Pranë Gjykatës së Shkallës së Parë për Krime të Rënda Tiranë për veprën penale  të  “Vjedhjes me armë të kryer në bashkëpunim” në kuadër të “Grupit të Strukturuar Kriminal”, ”Mbajtjes pa leje e armëve dhe municioneve luftarake”  “Vrasje e Punonjësve të Policisë “ e kryer në bashkëpunim e mbetur në tentativë.

(s.a/faxweb.al)