Kanë mjaftuar vetëm pak momente lojë nga ndeshja mes Uotfordit dhe Sauthemptonit që Long të bëjë historinë. Bëhët fjalë për sulmuesin e Sauthemptonit Shejn Long i cili ka shënuar golin më të shpejtë në Premier League, për jo më tepër se 7.69 sekonda.
Goli i tij i papritur në fillim të ndeshjes bëri që Long të thyente rekordin e mëparshëm, të mbajtur nga ish-kapiteni i Totenhemit Ledley King, në 2000, kur shënoi në një ndeshje kundër Bredfordit.
Pavarësisht se ishte Uotfordi ekipi që e nisi topin nga qendra, presioni që Long ushtroi ndaj mbrojtësit Kathkart arriti të rrëmbente topin, duke dalë i vetëm me portierin Ben Foster dhe duke shënuar.
