“S’mund të jeni fasadë zgjedhore”, Aleanca Kuq e Zi: Koha për t’i dhënë fund sundimit të PS-PD-së

Partia Aleanca Kuq e Zi me në krye Kreshnik Spahiun ka dalë me një kërkesë të hapur për 34 partitë e regjistruara në zgjedhje.

Ajo u ka kërkuar atyre të mos jenë fasadë dhe të bashkohen kundër Partisë Socialiste, duke u shprehur se armiku politik i 30 qershorit është vetëm PS-ja.

E bindur kjo parti ka kërkuar një tryezë të rrumbullakët për 34 partitë e regjistruara në zgjedhje duke krijuar kështu një pol të tretë për të shkatërruar sundimin 30-vjeçar të PS-PD.

“Aleanca Kuq e zi është duke ndjekur me shqetësim të gjitha ngjarjet politike  në vend. Ne kërkojmë bashkimin e 34 partive të regjistruara në zgjedhje për t’i dhënë një grusht të fortë PD-së dhe PS-së.

Është koha të nxjerrim Ramën dhe Berishën në pension, duke krijuar një pol të tretë, kundër politika ekzistuese. Gjithashtu shprehemi se 34 partitë e regjistruara s’mund të jenë fasadë zgjedhore, por duhet të luftojnë armikun politik të zgjedhjeve te 30 qershorit”

(s.a/faxweb.al)