Ditën e sotme kryeministri Edi Rama ka sfiduar kryetaren e Bashkisë Shkodër duke u shprehur se PS do ta marrë dhe bashkinë e Shkodrës. Ai ka prezantuar si kandidat të PS-së për këtë Bashki Valdrin Pjetrin, ish-drejtori i Përgjithshëm i Hipotekave.
Në një bisedë me qytetarët, Rama është shprehur I sigurt se do t’I fitojë zgjedhjet gjithashtu dhe Bashkinë e Shkodrës.
Gjithashtu nga Shkodra kryeministri ka rikujtuar dhe një herë se në 30 qershor do të mbahen zgjedhjet.
“Më datë 30 qershor do të ketë zgjedhje, kjo është e sigurt. Nuk e di nëse ata të opozitës do të kenë apo jo kandidatë, por jam i bindur se ne do ta fitojmë Shkodrën. Demokratëve të mërzitur iu them ‘kujdes se Flamuri mund t’jua djegë gomat’.
Nuk ka forcë që ndal verdiktin e popullit. Sigurisht që ne do të donim garë dha ta fitonim me garë Shkodrën. Por ne do ta marrim Shkodrën me çfarë do lloj forme demokratike, sepse kemi ekipin fitues.
Kësaj opozite t’i vijë turp për atë që bën, duke sharë Shqipërinë nga mëngjesi deri në darkë”- është shprehur Rama.
(s.a/faxweb.al)
