Aktivisti Sazan Guri ka qenë sot i ftuar në studion e Fax News, ku ka denoncuar ndërtimin e HEC-eve në zonën e Kaçinarit, dhe jo vetëm.
Guri tha se me ndërtimin e HEC-eve dëmet që i bëhen natyrës janë të pakthyeshme, dhe do të bëjë që brenda disa vitesh të pakësohet sasia e prurjeve ujore në vend.
Aktivisti tha më tej se ministrja Belinda Balluku nuk ka marrë asnjë masë që masakra me lumenjtë të mos bëhet, ndërsa shtoi se për të zgjidhur këtë duhet të merren masa urgjente.
“Ndërtimi i HEC-eve, rregulla të qarta në botë, ndërsa në vendin tonë ligji për përdorimet të burimeve ujore është i tmerrshëm.
Në vend ka lindur moda e ndërtimit të HEC-eve, pavarësisht se ka mënyra të ndyshme për diversifikimin e burimeve të energjisë.
Sasia ujore në HEC-e mbas 10 vitesh do jetë më e paktë. Të gjitha kompanitë që kanë marrë përsipër që të ndërtojnë HEC-e janë fantazëm.
Ministria e Energjitikës nuk bën dëgjesa me qytetarët, pavarësisht se kjo është e parashikuar dhe në ligj.
Ministrja Balluku s’e kupton dot, i kam bërë disa herë thirrje për dëgjesa me ne si aktivistë dhe nuk ka pranuar.
Ministria ka reaguar shumë pak për ndërtimet e HEC-eve, pavarësisht se kjo po bën që të thahen lumenjtë, po shkatërrohet natyra. Unë e kam thënë dhe më parë që nevojitet studim, duhet studim, cilët HEC-e të lejohen dhe cilët lumenj nuk duhet të preken”, u shpreh Guri në Fax News.
(E.K/FAXWEB.AL)
Discussion about this post