Dyshohen si bashkëpunëtorë në vrasjen e vëllezërve Biliali, gjykata jep masën për dy të rinjtë

Gjykata e Shkodrës ka dhënë masën e arrestit me burg për dy të rinjtë nga Mjeda Arsen Stojku dhe Myslym Rama.

Ata akuzohen për vrasjen e vëllezërve Bilali në derën e banesës së tyre, ndërsa autori kryesor i ngjarjes Ibrahim Lici është shpallur në kërkim. Seanca e dhënies së masës së sigurisë është kryer nën siguri të lartë.

Ndërkohë që dy të rinjtë e dyshuar nuk i kanë pranuar akuzat, duke thënë se gjurmat e gishtëve në makinë janë gjetur për shkak se ata janë marrë me lyerjen e mjetit, dhe se janë bojaxhinj në profesion.

Mirëpo prokuroria e Shkodrës këmbëngul se ka përgjime që rëndojnë pozitat e Stojkut dhe Ramës, si dhe afërsinë e tyre me Ibrahim Licin.

Vëllezërit Bilali u vranë në banesën e tyre në Shkodrës, vrasje e cila ishte vazhdim i një serie atentatesh në kryeqendrën e veriut, që kanë për protagonist kryesor dy fiset Bajri dhe Lici. Asmer Bilali dyshohet se është porositur nga Bajrët për të vrarë Fatbardh Licin në muajin Gusht të 2018-tës.

(E.K/FAXWEB.AL)