Këngëtarja e njohur Soni Malaj na vjen me një lajm pozitiv për të gjithë fansat e saj. E ftuar sot në emisionin e pasditës “Rudina” me Rudina Magjistarin ajo ka treguar se është duke u pregatitur për koncertin e 1 majt, në Amfiteatrin e Tiranës.
Këngëtarja është shprehur se është shumë e emocionuar për koncertin e saj të parë recital që do të mbahet në orën 20:00 të kësaj të mërkure, duke thënë se prej dy ditësh zemra e saj rreh fort nga emocionet.
Soni do jetë e shoqëruar nga një tjetër këngëtar i famshëm, Majku, i cili vlen të theksohet se ka një numër të lartë fansash dhe këngët e tij brenda pak ditëve kthehen në hite.
Në emisionin e sotëm emocionet e këngëtares u shtuan më tepër teksa u surprizua nga mikeshat e saj, anëtaret e ish-grupit “Spirit Voice”, princeshë Elia dhe Dorina Tiko përmes mesazheve të tyre, moment në të cilin Soni nuk i nuk mbajti dot lotët.
“Jam shumë xheloze për njerëzit që do të shohin në skenë më 1 maj, pasi unë nuk do të mundem. Të uroj suksese dhe faleminderit që nuk ke harruar asnjëherë të më marrësh në telefon, dhe ke qëndruar pranë meje në momentet më të vështira. Ma ka marrë shumë malli!”- tha Dorina.
