Skender Hoxha burri i cili vrau gruan ka deklaruar në polici se gruaja e tij viktima Antoneta Hoxha e tradhtonte me një 45-vjeçar. Ai është shprehur para bluve se i gjithë konflikti nisi për motive xhelozie nga ana e tij pasi dyshonte prej kohësh që bashkëshortja kishte një lidhje jashtëmartesore.
Faxweb raportoi se 53-vjeçarja Antoneta Hoxha u gjet e pajetë nga ana e familjarëve, me dëmtime në kokë dhe në krahun e majtë mëngjesin e së martës.
Dyshohet se vrasja ndodhi pas mesnatës së ditës së djeshme në një nga dhomat e shtëpisë së tyre në fshatin Valagat të Memaliajt ku çifti po merrej me punët e zakonshme.
Pas disa orësh ngjarja u raportua si krim në familje, ku viktima ishte qëlluar nga bashkëshorti i saj Skënder Hoxha me mjet të fortë pas një debati mes tyre.
Fqinjët dhe kryeplaku u shprehën se çifti i cili kishte 4 fëmijë nuk kishin pasur më parë probleme dhe rrëfyen momentet e para kur gjetën trupin e pajetë të gruas Antoneta Hoxha (lexo këtu), ndërsa bashkëshorti vrasës e pranoi ngjarjen disa orë më pas duke rrëfyer dhe motivin që e shtyu në krim.
Discussion about this post