Kreu i PD-së Lulzim Basha ka mbërritur në selinë e LSI-së ku sipas burimeve zyrtare nga kjo parti po zhvillon një takim me kryetaren Monika Kryemadhi.
Ky takim, vjen një ditë pas takimit të Presidentit me aleatët e koalicionit opozitar të cilët i kërkuan atij uljen e palëve në dialog për zgjidhjen e krizës.
Ndërsa Presidenti Meta e cilësoi krizën aktuale politike shumë të rrezikshme duke vënë në pikëpyetje dhe demokracinë.
Ndërsa sot Basha pritet të diskutojë me Kryemadhin vijimin e aksionit opozitar ndërsa qeveria socialiste duket më e lëkundur se kurrë pas sinjaleve jopozitive që mori në Samitin e Berlinit pak ditë më parë në lidhje me çeljen e negociatave për hyrjen e Shqipërisë në BE.
Kujtojmë se opozita e bashkuar ka planifikuar dhe protestën e radhës kombëtare, e cila do të mbahet në 11 Maj, pasdite, ndërsa ka intesifikuar ndjeshëm dhe bllokimet e përjavshme të rrugëve.
Me këtë situatë të deritanishme mbeten në pikëpyetje serioze zgjedhjet e planifikuara në 30 Qershor, ku ka sinjale se pa opozitën, situata mund të agravojë dhe në përplasje civile.
Discussion about this post