Kreu i PD-së Lulzim Basha po zhvillon një takim me krerët e partive të tjera opozitare. Në këtë mbledhje do të diskutohen pikat kryesore të draftit për qeverinë teknike që do të prezantohet nga Basha ditën e nesërme në orën 11.00.
Pak orë më parë Basha zhvilloi një takim me Shpëtim Idrizin ku në deklaratat e tij kreu i PDIU shprehu dakortësinë me plaformën e Kreut të PD-së.(Lexo këtu).
Demokratët, përmes prezantimit të detyrave të qeverisë tranzitore, do të kërkojnë të tregojnë se beteja e tyre është bërë jo për të marrë pushtet në tavolinë, por për të instaluar në vend një demokraci europiane.
Të pranishëm në takimin e nesërm do të jetë media, përfaqësues të lartë të koalicionit dhe një numri të madh të ftuarish.
Ndërkohë pritet që Rama ditën e nesërme të zhvillojë një mbledhje me grupin parlamentar të PS-së pas vizitës zyrtare në Berlin. Nuk dihet ende nëse Rama do të të ftojë dhe një herë Bashën në një tryezë për bashkëbisedim.
(j.b/faxweb.al)
Discussion about this post