Lionel Messi ishte makthi i mbrojtjes së Liverpool-it nga fillimi deri në fund të gjysmëfinales së parë të Ligës së Kampionëve. Ai i bëri të gjithë kundërshtarët me “dhimbje koke”, veçanërisht Robertson, Van Dijk dhe Gomez.
Ishte një goditje e klasit më të lartë, e jashtëzakonshme për nga largësia dhe mënyra e ekzekutimit, në minutën e 82-të, që nxori sërish në pah vlerat e gjeniut argjentinas.
Mbështetësit e “Reds”, e lidhin ndëshkimin e tyre të trefishtë edhe me gjykimin. Në këtë pikë i referohen dyluftimit, që u akordua si goditje dënimi për vendësit dhe pastaj, prej saj erdhi goli nga 35 metra i Messit.
Për të fituar goditjen e lirë, Messi duhej “të aktronte” disi ndaj Fabinho, të sajonte një kontakt me mesfushorin brazilian dhe t’i shpëtonte vëmendjes së arbitrit kryesor. Kështu mendojnë tifozët e Liverpool, që ndihen të pakënaqur nga vendimi i Bjorn Kuipers.
Në fakt, një nga përkrahësit e të kuqve anglezë ka krijuar një peticion në “Change.org”, të titulluar: “Jepini Messit një dënim retrospektiv (me pamje filmike), për ta pastruar Fabinhon në kokë”. Peticioni thotë: ” Messi fiton një goditje të lirë, duke e goditur vetë Fabinho në kokë. Unë mendoj se kjo duhet të shikohet nga UEFA”.
Discussion about this post