Dorian Liçaj është zhdukur pa lënë gjurmë natën e 30 prillit në Marina di Ragusa në Itali. Shqiptari 30 vjeçar humbi lidhjet me të afërmit, natën pasi ai kishte kaluar mbrëmjen me kushërinjtë e tij.
Liçaj ndodhej në Itali që nga muaji janar dhe kishte vajtur atje të punonte.
Vetëm pak ditë më parë ai ishte vendosur në fshatin bregdetar Iblean.
Sipas raportimeve në mediat italiane ai ka pasur me vete dokumente shqiptare, një celular që rezulton i fikur dhe lëvizte me një biçikletë të kuqe.
Nuk dihet ende çfarë rrobash kishte veshur i riu në momentin që është zhdukur.
Para se të zhdukej Liçaj i ka lënë një shënim prindërve të tij duke shkruar se i kërkon falje për vuajtjen që do i shkaktojë atyre duke hedhur kështu dyshime për një vetëvrasje të mundshme.
Ai eshte rreth 1.80 m i gjatë dhe familja, dhe policia kërkojnë ndihmë nga cilido që mund ta ketë parë.
Discussion about this post