Kryeministrja e Zelandës së Re Jacinda Ardern është fejuar me partnerin e saj moderatorin televiziv, Clarke Gayford.
Sekretarja e shtypit e 38-vjeçares, Andrew Campbell, i konfirmoi CNN-së se çifti u fejua gjatë festës së Pashkëve muajin e kaluar. “Nuk ka detaje të mëtejshme”, tha ai. Ndërkohë asnjë shenjë e lajmit nuk duket në llogaritë e Facebook dhe Twitter të Ardern apo Gayford.
Çifti tashmë ka një fëmijë, Neve Te Aroha Ardern Gayford, e cila ka lindur në qershor 2018. “Aroha” është një fjalë Maori që do të thotë “dashuri”.
Ardern dhe Gayford bënë histori kur ata e çuan vajzën e tyre tre-muajshe në sallën e asamblesë së Kombeve të Bashkuara gjatë Samitit të Paqes të Nelson Mandelës në shtator te 2018-s.
“Dëshiroja që të kisha kapur pamjen e befasishme të një delegacion japonez brenda OKB-së të cilët hynë në një dhomë takimi në mes të një ndërrimi pelenash.” Gayford, 41, shkroi në twitter.
Partneri i Ardernit është i njohur në Zelandën e Re.
Në janar, Ardern i tha BBC se, pavarësisht se ishte feministe, ajo nuk mund ta imagjinonte të pyeste partnerin e saj Gayford a do të martohet me të.
“Dua ta vë atë përmes dhimbjes dhe torturës për ta bërë atë pyetje vetë”, tha ajo me shaka.
Vitin e kaluar, ajo u bë liderja e parë botërore në gati 30 vjet që lindi një fëmijë ndërsa ishte në detyrë dhe ishte Kryeministrja e parë e Zelandës së Re në 150 vjet.
Ajo gjithashtu ka fituar së fundmi lëvdata për trajtimin e saj të sulmeve terroriste në Christchurch, ku mbetën të vrarë 51 vetë në mars të këtij viti.
Pas ngjarjes, Ardern paraqiti shpejt reformën në ligjin për armët, duke mbajtur veshur një hixhab për të treguar respektin e saj për komunitetin mysliman dhe publikisht tha se ajo kurrë nuk do ta përmendte emrin e sulmuesit të dyshuar./FAXWEB.AL
