Shpërndanin lëndë narkotike, arrestohen dy persona. Një i tretë procedohet në gjendje të lirë

2 persona janë arrestuar nga policia për shkak të shpërndarjes së lëndve narkotike, ndërkohë që një tjetër  është proceduar në gjendje të lirë.

Sipas njoftimit të policisë bëhet me dije se personat me iniciale S.M., 29 vjeç banues në Krujë dhe A.B., 25 vjeç  banues në Kurbin janë arrestuar për shkak se shpërndanin drogë në doza të vogla, ndërsa i proceduari në gjendje të lirë është 35 vjeçari Z.D., banues në Shkodër.

Arrestimi i tyre u bë, gjatë kontrollit fizik të këtyre shtetasve, në ambientet e një lokali në Kurbin. Ndërkohë, që në cilësinë e provës materiale janë sekuestruar dozat e lëndës narkotike.

Materialet i kaluan Prokurorisë në Kurbin për veprën penale  “Prodhimi  dhe shitja e lëndëve narkotike”, ndërsa bëhet me dije se policia po heton më tepër për identifikimin e personave të tjerë të përfshirë në këtë aktivitet kriminal.